影片
更多
2022-02-20
3313 瀏覽
食盆菜唔駛酒店級嘅，平民小店都有正嘢。作為沙田地膽已經食過盛記好多次，試晒盆菜、粉麵同午市飯餐後終於的起心肝出post，趕喺新年前幫手宣傳下。佢地嘅午餐真係平靚正，雖然話喺熟食中心，但其實係舖位好大同企理，唔止得露天位，係好多沙田友嘅飯堂。佢地仲向露宿者送上一人盤菜，係有良知又有實力嘅小店，值得支持。
🍽柱侯牛腩鮮蝦雲吞麵 ($48)第一次去嘅時候係星期日，只供應粉麵同蒸餸餐。圖二嘅雙拼係午市食嘅。個人覺得幼麵比粗麵掛湯，而牛腩不愧係招牌，淋得黎柱侯醬又濃，腩汁撈湯好味，不過油左少少。雲吞嘅皮好薄，餡料就只有一隻蝦同少許肉碎，鍾意餡多嘅呢款唔啱你。屋企人話牛雜同魚皮都唔錯。🍽無骨豉油雞 ($48)另一樣盛記名物，無骨啖啖肉，肉質滑嫩，雞髀位固然正，雞胸都唔鞋，雞皮下面又唔會成層肥膏，甜豉油撈飯一流，呢個價錢仲仲包凍飲。🍽梅菜蒸肉餅($43)午市人流多所以餸菜整定嘅，上枱時微暖。肉餅大大碟，仲配烚菜真係抵到爛，肥膏嘅比例啱啱好，口感未算好滑但都係中上質素，不過可能配梅菜所以鹹左啲。🍽盆菜(大盆 $1580)冬至時訂左，大蝦彈牙，髮菜又多，已經無得彈啦，比起其他盆菜，佢嘅汁清甜啲無咁膩，腩
🍽柱侯牛腩鮮蝦雲吞麵 ($48)第一次去嘅時候係星期日，只供應粉麵同蒸餸餐。圖二嘅雙拼係午市食嘅。個人覺得幼麵比粗麵掛湯，而牛腩不愧係招牌，淋得黎柱侯醬又濃，腩汁撈湯好味，不過油左少少。雲吞嘅皮好薄，餡料就只有一隻蝦同少許肉碎，鍾意餡多嘅呢款唔啱你。屋企人話牛雜同魚皮都唔錯。
柱侯牛腩鮮蝦雲吞麵
$48
100 瀏覽
0 讚好
0 留言
另一樣盛記名物，無骨啖啖肉，肉質滑嫩，雞髀位固然正，雞胸都唔鞋，雞皮下面又唔會成層肥膏，甜豉油撈飯一流，呢個價錢仲仲包凍飲。
無骨豉油雞
$48
119 瀏覽
0 讚好
0 留言
午市人流多所以餸菜整定嘅，上枱時微暖。肉餅大大碟，仲配烚菜真係抵到爛，肥膏嘅比例啱啱好，口感未算好滑但都係中上質素，不過可能配梅菜所以鹹左啲。
梅菜蒸肉餅
$43
100 瀏覽
0 讚好
0 留言
冬至時訂左，大蝦彈牙，髮菜又多，已經無得彈啦，比起其他盆菜，佢嘅汁清甜啲無咁膩，腩肉淋得黎入味，墊底嘅枝竹、豆卜同芋頭索晒汁好正，nancy親戚都話可以翻兜，人少少嘅話可以試2-4人嘅迷你盆。
(食材如下：古法白切雞、明爐大鴨、冬菇、髮菜、蠔豉、西蘭花、茄汁大蝦、鯪魚球、圍村腩肉、門鱔、鹹菜木耳、枝竹、豆卜、蠔汁豬皮、荷香蓮片、清甜蘿蔔、酥炸荔芋、高湯津白、爽滑馬蹄)
盆菜
$1580
146 瀏覽
1 讚好
0 留言
張貼
