影片
更多
2022-07-15
70 瀏覽
在沒得出走去台灣,而又好想食下台灣滷肉飯,唯有係本地找間台灣食肆,頂住先啦。剛好要去沙田某酒店staycation 放空下,就到酒店附近找下有咩台灣野好食。新城市入面除左台式飲品既店就得返個兩三間係有台灣野食,好野係永遠多人等侯,所以沒去到新城市個幾間。而按附近搜尋,就找到今晚要食既呢間台灣野食。先講呢間鋪係邊先,平時我呢主要去沙田不外乎新城市中心/好運之類找食,比較少去偉華中心。小胖台灣便當就係呢度。價錢呢唔算太貴,食物質數幾好。我今日就只有叫餐外賣沒有到堂食,店舖環境及服務如何就不講了。餐廳既餐牌就真係一目了然,因為全日應該都係同一個餐牌 雖然唔算太多選擇,但係香港既台式餐廳不外乎都係個幾樣,呢度都算有齊架啦。而今日就只有點過兩個飯餐,追加兩個小食,沒有試麵餐。飯餐分別叫左 烤牛肉便當(滷肉飯) 追加鹽酥雞鹽酥雞腿便當(滷肉飯) 追加涼拌豬耳兩個飯都有加轉滷肉飯(食台灣野唔係唔食沒滷肉飯嘛) 便當既份量算大碗,基本女士食既可能食唔晒,而便當又有配菜,烤牛肉幾香口而且都烤得幾好,唔會太乾太硬,鹽酥雞亦炸得幾好唔太油且脆口唔多炸粉,兩個飯加埋D配菜整體食落唔太重口味,配埋餐廳既綠茶同蘋
剛好要去沙田某酒店staycation 放空下,就到酒店附近找下有咩台灣野好食。
新城市入面除左台式飲品既店就得返個兩三間係有台灣野食,好野係永遠多人等侯,所以沒去到新城市個幾間。
而按附近搜尋,就找到今晚要食既呢間台灣野食[小胖台灣便當]。
先講呢間鋪係邊先,平時我呢主要去沙田不外乎新城市中心/好運之類找食[地鐵巴士站附近放便嘛],比較少去偉華中心。
小胖台灣便當就係呢度。
價錢呢唔算太貴,食物質數幾好。我今日就只有叫餐外賣沒有到堂食,店舖環境及服務如何就不講了。
餐廳既餐牌就真係一目了然,因為全日應該都係同一個餐牌[有錯既請指正] 雖然唔算太多選擇,但係香港既台式餐廳不外乎都係個幾樣,呢度都算有齊架啦。而今日就只有點過兩個飯餐,追加兩個小食,沒有試麵餐。
飯餐分別叫左
烤牛肉便當(滷肉飯) 追加鹽酥雞
鹽酥雞腿便當(滷肉飯) 追加涼拌豬耳
兩個飯都有加轉滷肉飯(食台灣野唔係唔食沒滷肉飯嘛) 便當既份量算大碗,基本女士食既可能食唔晒,而便當又有配菜,
烤牛肉幾香口而且都烤得幾好,唔會太乾太硬,鹽酥雞亦炸得幾好唔太油且脆口唔多炸粉,兩個飯加埋D配菜整體食落唔太
重口味,配埋餐廳既綠茶同蘋果茶,食完都唔會覺得油膩。 可惜D既係豬耳唔太啱個人口味,有D硬,同埋餐廳沒珍珠奶茶之類
飲品選擇。(新城市入面找間飲啦)
今次食完覺得真心好食之餘又唔貴,可以推介比大家一試,你問係咪天花板咁高質又未去到,但如果要食台灣野既就不妨可以到小胖呢度食下D地道既台灣小食/飯餐,總好過來來去去都係D連鎖餐廳,食到連去到台灣都唔想入去幫襯。
PS: 原來餐廳係沒得打得電話叫定外賣再去拎架,係要去到先落單,習慣左慳時間既人就要留意下。
張貼
