影片
更多
2025-01-26
0 瀏覽
今次呢個自助餐真係好值得介紹，沙田柏麗廳做緊一個以用上日本三大和牛做主題嘅自助餐，包括山形牛、松阪牛同神戶牛。 分三個時段食，最長時間都只不過係$509位，未睇內容已經覺得好抵！講返正題，和牛菜式總共有五款，包括日本和牛風琴牛扒、日本和牛燒牛肉、日本和牛鐵板燒、火焰日本和牛壽司同和牛漢堡。全部都係好出色嘅和牛質素，特別係有日本和牛風琴牛扒，簡直真係入口即溶！基本上你每樣食兩轉都已經差唔多回本😂 在這冷盤都一啲都唔輸蝕，包括有生蠔龍蝦刺身等等，市面呢個價錢真係好少會生蠔同龍蝦同時有。刺身仲有大大隻赤蝦同帆立貝呢啲相對貴價少少嘅刺身！而且另外一個highlight係有啲港式都入美食都幾特別，包括有生炒糯米飯、蛇羹、枝竹羊腩煲、鮑魚海參花膠一品鍋等，種類都幾多。除此之外，甜品方面一定要讚吓佢個心太軟，熱辣辣勁流心之餘，佢仲提供左留言服務，勁有心思，啱晒幫人慶祝生日！飲品方面有多款凍飲熱飲，7:30打後嘅時段更加有雞尾酒同紅白酒俾你揀！總括嚟講其實性價比真係唔錯，而且星期一至四仲會平啲，同埋老人家小孩仲要免加一，真係好啱一家大細去試吓！柏麗廳地址: 沙田白鶴汀街8號帝都酒店3樓電話: 2633
今次呢個自助餐真係好值得介紹，沙田柏麗廳做緊一個以用上日本三大和牛做主題嘅自助餐，包括山形牛、松阪牛同神戶牛。 分三個時段食，最長時間都只不過係$509位，未睇內容已經覺得好抵！
講返正題，和牛菜式總共有五款，包括日本和牛風琴牛扒、日本和牛燒牛肉、日本和牛鐵板燒、火焰日本和牛壽司同和牛漢堡。全部都係好出色嘅和牛質素，特別係有日本和牛風琴牛扒，簡直真係入口即溶！
基本上你每樣食兩轉都已經差唔多回本😂 
在這冷盤都一啲都唔輸蝕，包括有生蠔龍蝦刺身等等，市面呢個價錢真係好少會生蠔同龍蝦同時有。刺身仲有大大隻赤蝦同帆立貝呢啲相對貴價少少嘅刺身！
而且另外一個highlight係有啲港式都入美食都幾特別，包括有生炒糯米飯、蛇羹、枝竹羊腩煲、鮑魚海參花膠一品鍋等，種類都幾多。除此之外，甜品方面一定要讚吓佢個心太軟，熱辣辣勁流心之餘，佢仲提供左留言服務，勁有心思，啱晒幫人慶祝生日！飲品方面有多款凍飲熱飲，7:30打後嘅時段更加有雞尾酒同紅白酒俾你揀！
總括嚟講其實性價比真係唔錯，而且星期一至四仲會平啲，同埋老人家小孩仲要免加一，真係好啱一家大細去試吓！柏麗廳
地址: 沙田白鶴汀街8號帝都酒店3樓
電話: 26331288
張貼
