影片
更多
2012-06-23
237 瀏覽
4月13日, 人在油麻地準備睇戲, 又想食日本料理~ 選擇並唔多, 於是行咗入呢間唔係好多人嘅禮三井食野. 呢間日本料理走和風小店格局, 店內只屬半滿, 我地都被安排坐喺壽司吧枱上面, 可以睇住師傅煮野食~ 翻開menu, 除咗壽司、刺身外, 仲有拉麵、串燒、日式飯等日本料理, 仲有d抵食套餐供應, 食物種類都幾多元化!::: 三文魚刺身 + 鯛魚壽司 + 太子貝拉麵 ::: $68呢個餐可以任選小食、壽司同主食~ 估唔到三文魚刺身都唔錯! 顏色鮮豔帶光澤, 食落味道都幾新鮮~ 跟住揀咗鯛魚壽司, 魚生望落雖然略為乾身, 但味道都幾鮮甜, 又唔會太腥. 主食要咗太子貝拉麵, 其實即係元貝拉麵, 仲要都幾細粒下… 食落無鮮味肉地亦便韌.拉麵麵身爽口但欠彈牙, 仲覺得有少少鹼水味! 配菜霉霉地咁, 隻蛋又過熟… 湯底白得有d唔自然, 味道係人工豬湯味… 不過咁嘅價錢當然又唔好期望可以同而家開到成行成市嘅日本拉麵專門店比啦~ 極其量都只係味千拉麵嘅質素… 普普通通.::: 蟹膏蟹柳軍艦 ::: $24紫菜夠脆, 證明係即叫即整. 軍艦新鮮即整加上蟹柳絲、蟹籽同蟹膏呢三樣野夾埋味道基本上唔會錯
::: 三文魚刺身 + 鯛魚壽司 + 太子貝拉麵 ::: $68呢個餐可以任選小食、壽司同主食~ 估唔到三文魚刺身都唔錯! 顏色鮮豔帶光澤, 食落味道都幾新鮮~ 跟住揀咗鯛魚壽司, 魚生望落雖然略為乾身, 但味道都幾鮮甜, 又唔會太腥.
主食要咗太子貝拉麵, 其實即係元貝拉麵, 仲要都幾細粒下… 食落無鮮味肉地亦便韌.拉麵麵身爽口但欠彈牙, 仲覺得有少少鹼水味! 配菜霉霉地咁, 隻蛋又過熟… 湯底白得有d唔自然, 味道係人工豬湯味… 不過咁嘅價錢當然又唔好期望可以同而家開到成行成市嘅日本拉麵專門店比啦~ 極其量都只係味千拉麵嘅質素… 普普通通.
::: 蟹膏蟹柳軍艦 ::: $24紫菜夠脆, 證明係即叫即整. 軍艦新鮮即整加上蟹柳絲、蟹籽同蟹膏呢三樣野夾埋味道基本上唔會錯~ 不過有相為證, 蟹膏係一件多一件少落得唔均勻… 咁樣要人揀食邊件真係友情大考驗啫…
::: 火焰半熟蝦芝士卷 ::: $29呢個火焰半熟蝦芝士卷餡料真係夠晒大堆頭! 面頭有片熟蝦, 鋪上烤過嘅芝士片同沙律醬仲有蟹籽、內裡仲有甜蛋、蟹柳、青瓜、牛油果同軟芝士~ 淨係數d餡料都感受到味道有幾豐富幾多層次! 呢個真係幾好味~ 推介~
::: 串燒牛舌 ::: $35串燒牛舌一客兩串, 因為係薄片所以可以容易燒得焦香爽脆. 不過面頭黑椒調味較重手, 令到牛舌味道略為薄弱…
坐喺壽司吧台望住玻璃櫃, 本來可以望到晒d新鮮食材架嘛… 但係個雪櫃太凍同餐廳本身溫度又差得遠搞到有好多倒汗水… 仲要比我地見到壽司師傅放咗d食物入微波爐叮熱比客人… 基本上呢度嘅食物水準唔算話好出色, 但係以性價比嚟講算係咁~ 喺油麻地想食日本野都食得過嘅!
張貼
