明星海鮮酒家 (已結業)

邊個話年青人一定中意食日本菜，西餐慶祝生日?是日友人生日，特登黎到油麻地明星酒家食小菜慶祝,貪佢又平又好食又有招呼!我地一行5人叫一隻片皮鴨，一隻片皮鴨加埋一只係$100左右，皮燒得香脆,肉質又唔會太過鞋口。我地5個人都差D食唔哂一隻鴨。另外乳鴿亦非常抵食，質素算中上，但只係需要＄２２隻！亦冇話現實同照片不符。隻隻都ＫＥＥＰ住大大隻！呢個價錢仲可以有咩要求？另外蒜蓉粉絲蒸扇貝８隻＄１３６，雖然殼同肉分離，估計係冰鮮元貝。蒜蓉足料，粉絲吸左蒜既味道，又香又入味，送飯一流！話明生日，當然要條清蒸沙巴仔賀賀佢啦！沙巴仔唔係大魚，份量ＦＯＲ５個人差Ｄ有點勉強。但肉質算滑，而且新鮮。＄１００有找既價錢實在非常合理。