La Parole (已搬遷) 新店位置

以往常聽朋友提及這間餐廳，電視節目都有介紹過，好奇也想去試，終於在百忙中抽到上星期天到青衣城。餐廳門口排咗條小人龍，我都估到，又係暑假，又係星期日。等咗10分鍾，終於可以入座，環境都優雅，雖然滿座卻出奇地寧靜。話明法國菜，一定要食鵝肝，伴上蘋果，加少許粗海鹽，没有肥膩的感覺，做得唔錯。主菜羊扖完全無羶味，伴菜擺碟都可以。我揀咗法式燉蛋做甜品，好好味，正如我朋友都推介話餐廳的法國食物都煮得好好。呢度啲價錢唔算貴，加上service真係得，上菜會道明菜式，我最欣賞就係侍應用塊白咭將桌上的垃圾掃走，頗專業。