西樹泡芙 (MOSTown新港城中心(4期))

營業中

休息中

放工之後嚟到新港城，好想食甜嘢，決定星期五好好獎勵自己HA 鋪頭有好多唔同嘅泡芙口味，仲有布丁同窩夫。今次就買咗呢四款泡芙，分別係朱古力三重奏、士多啤梨乳酪、抹茶紅豆同特濃吉士。泡芙嘅外皮蓬鬆酥脆，有濃郁牛油香味，加上漲卜卜咁，見到都覺得好得意~我最鍾意係朱古力三重奏，除咗有濃濃嘅朱古力味，仲有果仁喺入面，口感豐富。而士多啤梨乳酪，有幼滑嘅忌廉，同埋甜甜嘅士多啤梨呢，餡料仲非常充足，呢個配搭都唔錯呀。媽媽就鍾意抹茶味，加埋紅豆，味道都唔會太甜~而且每件都係$20左右，價錢合理，下次可以試埋其他味先HA