影片
更多
2015-12-13
1124 瀏覽
同媽咪食晏，呢間餐廳新開！來到門口唔使等位，門口有店員招呼，話今日九折，加送飲品，入內有8成滿， 裝修似西餐廳，黑紅主調！店員比了張內圍四人枱我哋，坐得幾舒服！餐牌主要係套餐！揀了兩個午餐分享！ 泡菜：店員坐低已講泡菜任食，但味道難食到爆！啲汁唔知變咗定呢間餐廳獨特配方，喇脷架！啲白菜係爽！但啲汁液全部酸澀！食唔到！我仲特別攞隔壁枱個盤試下！味道一樣咁難食！免費嘢本都無乜要求，韓國餐廳泡菜唔得！好差勁！ 蜜糖柚子茶：夠熱！味道正常！ 蜜糖生薑茶：夠熱微辣！冬天飲啱晒！ 跟餐海帶湯：海帶淋到鼻涕咁！又淡茂茂！差！ 石頭鍋飯：材料足，好多款蔬菜絲！加一堆紫菜絲，牛肉唔多，石鍋夠熱，炒勻就食，有脆脆飯焦！但味道偏淡，要落韓式辣醬先啱！ 有機純豆腐辣海鮮湯（$78）足料夠熱！豆腐超級滑，海鮮唔腥！兩隻連殻蝦爽口，蜆肉唔得，縮晒水，魷魚都好少，好濕碎！湯味香濃微辣，不過太多紅辣油，我忍唔住𢳂走好多！自見到啡色嘅湯！ 店員服務參差，幾個女嘅幾好！但有個男仔比較夢遊！叫佢攞嘢都要思考兩秒先回應！當然佢有做嘅！反應慢啲啫！希望佢嘅泡菜只係今日失手！韓國菜館泡菜迎賓！唔得嘅好難服眾！
裝修似西餐廳，黑紅主調！店員比了張內圍四人枱我哋，坐得幾舒服！餐牌主要係套餐！揀了兩個午餐分享！
免費泡菜
71 瀏覽
0 讚好
0 留言
蜜糖柚子
66 瀏覽
0 讚好
0 留言
蜜糖生薑茶
74 瀏覽
0 讚好
0 留言
海帶湯
91 瀏覽
0 讚好
0 留言
石頭鍋飯
109 瀏覽
0 讚好
0 留言
自家製豆腐海鮮鍋
135 瀏覽
0 讚好
0 留言
店員服務參差，幾個女嘅幾好！但有個男仔比較夢遊！叫佢攞嘢都要思考兩秒先回應！當然佢有做嘅！反應慢啲啫！
希望佢嘅泡菜只係今日失手！韓國菜館泡菜迎賓！唔得嘅好難服眾！
張貼
