金泰美食 (已結業)

每次喺九龍城附近做完嘢，都會來外賣晚餐返屋企食，最鍾意食佢啲串燒同埋生菜牛肉包。講下啲串燒先，有啲＄12串，有啲13，我最鍾意叫嘅就係雞全翼，牛肉，腸，同埋墨魚丸。呢度嘅串燒好食其實都係歸功於個汁，佢有兩隻汁，一隻辣，一隻唔辣，唔辣嗰隻用咗好多花生同埋沙嗲汁去整，應該有自己嘅獨門配料，因為係其他地方食唔到咁好食嘅汁。而辣嗰隻呢就加左好多香料落去，都好辣下但係好香好好食，仲有啲鹹味同酸味，正！另外我一定會叫嘅就係生菜牛肉包，牛肉一樣用咗好多香料去炒，炒到啱啱好一啲都唔老，啲汁香到直頭可以撈飯食，但係一定要食辣嘅唔辣就會無味。生菜佢會切晒成棵俾你，一d都唔姑寒架！