泰式食

營業中

休息中

上星期收工後約同事食晚飯，公司附近有間泰式餐廳，經常見門口常常擠滿多人輪候，出於好奇跟住入去試下。見到餐牌價錢都好實惠，套餐都唔貴，最出名係冬陰功湯，端上桌上已經聞到香噴噴，微微辣味，不算太勁，濃蜜香甜好滋味，招牌就真係招牌。一碟炸素菜春卷，賣相好吸引，金黃鬆化，內心素菜清香怡人。主菜海南雞都頗出色，油光閃令令，外皮滑捋捋，爽脆非常，大廚功力功不可沒，大大份量，看到已經急不及待，迅速送進嘴裏，雞肉幼嫩鮮香，有多種醬汁提供，可帶出多種不同味覺。招牌菜還有炒雜菜，將各種蔬菜炒得出色，能成為招牌菜，大廚又記一功，還有白飯跟甜品送上。另一個菠蘿炒飯，都係大廚得意之作，鑊氣夠，飯粒顆顆圓潤飽滿，多款配菜加上菠蘿甜蜜蜜，香氣逼人，夠清爽可口。佢嘅泰式椰汁紅豆冰，都不遑多讓，十足材料，十足味道，冇花假。呢一餐真係有意外收穫， 日後同事們，又多一個醫肚嘅地方。