TBC

營業中

休息中

山道呢間 fusion cafe店裝修十分別緻， 絕對係到訪打卡熱點。 不過要留意餐廳唔做晚市，所以想去嘅朋友記得唔好夜晚去。試咗佢嘅TBC全日早餐同冬陰蛋黃醬煙三文魚班尼迪蛋。 先講講佢嘅全日早餐呢個價錢真係十分豐富，裏面仲有好好食嘅乳酪，同埋佢嘅窩夫其實係牛角包壓成，煙煙韌韌，外脆內軟，味道十分特別， 最值得提嘅係佢嘅香腸係冬陰香腸從來未試過食咁有泰式風味嘅全日早餐。至於佢嘅班尼迪蛋都好特別，好有泰式風情， 平時其他地方嘅班尼迪蛋下面係墊漢堡麵包佢係墊窩夫， 味道十分特別，不過冬陰蛋黃醬有微辣， 但係都唔算真係好辣，所以想試嘅朋友都可以試下。 我哋另外嗌咗兩杯75朱古力咖啡，凍同熱都一樣咁出色， 而且好濃嘅朱古力味 ，但係又唔會太甜。甜品方面我哋叫咗鮮芒果麻薯窩夫配椰子雪糕， 麻薯窩夫煙煙韌韌十分好食，芒果配椰漿感覺好fresh， 侍應好nice提我哋呢個甜品有花生碎，所以特登問我哋有冇花生敏感。整體我覺得呢間cafe值得回顧。