鱷魚泰國餐廳 (已結業)

作為愛食泰菜嘅我，九龍城當然係我成日搵食嘅地方啦! 呢日比小弟搵到間比較新嘅泰菜餐廳，當然二話不說拉埋好友一齊試下，睇下有冇驚喜!餐廳睇落幾舒服，有梳發位。呢日可能去得比較早，餐廳唔係好多人，唔駛等。坐底先叫個椰青潤喉。椰青大大個，重量十足。飲落清甜，夠新鮮!小食叫了個小鳥等愛，造型可愛，炸蝦內滿滿的蝦膠包住鮮蝦一隻，用料十足。肉碎生菜包(牛)，辣度適中，新鮮生菜包上熱辣嘅牛肉碎，一啖擺落口，冇得頂。馬拉盞炒通菜，辣度比生菜包更勁，不過十分惹味，唔怕辣嘅朋友可以一試。最後仲叫咗個椰青焗飯，飯吸收晒椰青嘅味，加上配料，口感味道一流，又飽肚。食物有水準，價錢又唔貴，值得下次再黎!