泰燒遙 (已結業)

衣排有d掛住泰國，又請唔到假去泰國，唯有食住泰國菜定下癮。泰燒遙就係諾士佛台近美麗華入囗第一座，好就腳。一開始係泰式燒雜菌沙律少少辣，雜菌好香口，d菜又新鮮，蜜糖蛋都有？！新奇又好食。之後黎左過冷盤燒遙海中寶，落左台大家O左咀，又話3-4人份量？！6-8個人都得！我地重order左熱盤版！有龍蝦，聖子，魷魚，一d貝，帶子，青囗。份量驚人，因為係時令價，價錢係合理，好鮮甜，佢地落左d出面生蝦刺身既汁，個汁超好味，配埋d海鲜，一流。小食有香茅豬肉串少少辣，有d似生菜包，不過d豬好好食，包埋菜點汁食，果秘製汁又係冇得頂。點少得燒原隻虎蝦好大隻，肉爽口，燒得啱啱好，d肉唔痴殻，好鮮味。果汁又係辣辣地，好野味。食泰國菜點可以唔飲冬蔭功！同之前點既冷盤燒遙海中寶d料差唔多，只係用冬蔭功換左生蝦刺身汁。d冬蔭功係你面前倒落去！衣個冬蔭功版有泰式肉餅同河粉，肉餅好有肉味，海餅因為有d冬蔭功令到有唔同感覺，冬蔭功比較酸同唔辣，好開胃。最後有泰式爆炸豬手，果名好勁咁！d肉好淋，點沙爹汁，好好味。d皮脆脆地，整得啱啱好，唔會好硬。一行8個人，個個都大食，咁剛大家都肚餓，所以叫多左。估唔到份量咁大，有d食唔晒