泰爸爸

營業中

休息中

已經好耐冇去旅行啦，要靠搵唔同風味嘅餐廳搵返旅行嘅感覺，今次輪到泰國餐廳，估唔到又幾好食喎😆雖然係平日夜晚，但餐廳內外都坐滿人，果然多人支持。係餐廳外見到，外賣優惠都幾抵買，款色唔錯。食泰國野點可以唔叫鮮菠蘿海鮮炒飯，海鮮份量十足，賣相討好，唔似一般餐廳淨係炒飯上碟。食落粒粒飯同配料，有蝦、魷魚、臘腸粒、菠蘿粒、提子乾、肉鬆，鹹鹹甜甜，有口感之餘又非常惹味！之後叫咗沙嗲串燒，係牛肉同雞肉串，雞肉嫩滑，燒得好香口，牛肉燒得啱啱好，配埋沙嗲醬，好食！🥰重要大大串，啖啖肉，好滿足！最後重叫咗泰式豬手，炆得好冧好入味，值得一讚，份量重要頗大，可以幾個人share食。👍🏻最後嗌咗杯梛汁沙沙，唔太甜，又足料，夏日炎炎飲，好fresh，好飲！