Puzzle Dining (已搬遷) 新店位置

星期六同家人落街食brunch，發現泳池開咗間西餐廳，見都有唔少人食緊，就入去試吓。有八款午餐揀，款式都多。叫咗一個意粉同牛扒，餐湯係蘑菇湯。係自家製嘅湯，唔會好稠，反而好清新。忌廉汁煙肉蘑菇意粉 - 好creamy，味道幾濃，每一條意粉都掛湯力強，所以好入味。意粉又唔會煮到好腍，唔錯。美國安格斯prime小牛扒件薯角 - 叫咗五成熟，第一啖已經食到好濃牛味，五成熟嘅肉質剛剛好，唔會太韌，又食到肉嘅鮮味，真心正！唯一不足係冷氣唔係好夠，要飲凍飲嚟降溫。