活在茶下

營業中

休息中

喺尖沙咀食泰國菜，要限時交枱，想order埋甜品🍧都不夠時間，要截單走人。為當晚畫上完美嘅句號， 唯有另覓地方食甜品。 上網搜尋見到海運大廈有間叫「活在茶下」嘅雪糕雞蛋仔店舖，就喺泰國菜館附近， 所以，我哋扑錘決定去試一試。店內採用簡約嘅裝潢， 空間不大， 座位不多。不過，門外亦擺放一 張長長嘅木凳和圓形小枱，好讓顧客坐下打卡和品嚐食品。 原來「活在茶下」的經驗豐富茶🍵 師團隊研發出AI人工智能泡茶器， 更用六大種類嘅茶泡出特調嘅茶飲和以一系列嘅茶入饌小食，希望為顧客帶來全新茗茶嘅體驗。我哋叫咗清香鐵觀音髒髒雪糕和清香鐵觀音髒髒雪糕配原味雞蛋仔。 雪糕質感稠濃且幼滑， 甜度適中，鐵觀音和牛奶味巧妙地互相平衡配搭，雪糕一啖入口🍧， 濃濃嘅牛奶味首先充斥味蕾， 而淡淡嘅鐵觀音味亦慢慢滲透出。好正👍。鐵觀音粉灑上雪糕，令雪糕嘅更豐富美味😌。 另一杯配上原味雞蛋仔， 口感更上一層樓， 熱辣辣嘅雞蛋仔，外脆內軟， 加上 冰凍嘅雪糕一齊食，冷熱交融， 味蕾十分滿足，好過癮🙌總括來說，今次嘅體驗給人留下唔錯嘅印象，可以 一試。