雪園壹號

營業中

休息中

始創於1986年嘅上海菜館（淮揚菜），前身係位於北角城市花園的「雪園飯店」，後來大廚兼主理人蔣標師傅將招牌搬到南洋酒店繼續經營。揉合傳統手藝重現經典味道，延續舊情懷風味。嚟到必食招牌生煎包！💯採用老麵團自家發酵外形飽滿，超級軟熟個底又夠脆口~以新鮮豬肉製成嘅餡料肉汁飽滿，一啖就混合不同嘅口感！（ 招牌小籠包都係皮薄多汁但相對生煎包就無咁有驚喜~）茶香燻蛋夠溏心🍳入口嗰種漿漿的口感好得，少少煙熏味夠曬香松子桂魚經過「去骨、𠝹花、上粉、油炸」過程。魚肉外脆內嫩，醬汁甜酸開胃~清炒河蝦仁 🦐 清淡爽口嘅同時不失蝦嘅甜嫩鮮美，食嘅時候再加少少醋吊味更佳蟹粉炒上海年糕🦀年糕夠彈夠煙韌，加入鮮味蟹粉一起炒香。蟹黄油香十足，齒頰留香！醃篤鮮的「醃」指醃製鹹肉、「篤」以小火長時間煨煮；而「鮮」係指鮮肉同埋新鮮春筍（其實何嘗唔係講緊個湯係幾鮮美）~🍲用上火腿、鹹肉、雞湯，百頁、竹筍。湯色乳白，口味鹹鮮，加埋爽口脆嫩嘅筍配搭得宜。呢味係我屋企過年必備菜式，係家的感覺！