Cobo House (已結業)

聖誕節，BB豬話要俾驚喜我，一開始唔話俾我聽去LOW-TEA，冇錯係LOW-TEA而唔係HIGH-TEA,佢話英式傳統LOW-TEA先係指貴族嘆果D下午茶。去到門口都覺得幾驚奇，因為間店係坐落係西寶城後面嘅單幢住宅的地面位置，唔留意睇真係唔覺佢嘅存在，餐廳旁邊係一家西餅店，有機會再介紹。BB豬話小店最出名係佢嘅LOGO朱古力，一定要試下。我地點左一個聖誕TEA SET。每人配一種茶，我就點左雲尼娜紅茶，聞落好香，味道淡，但配搭食物的話就是不錯。過左一陣主角上來了，是一個仿中式的八寶架設計，層層都有不同的咸點或甜點。我已經食指大動，但係侍應請我地等等，他回頭就在架上灑爆谷，增添節日氣氛咁多種食物我最鍾意用食用花做的春卷^_^仲有就係南瓜湯包過左一陣有另一對情侶來到我們旁邊的位置坐下，距離相當接近，他們唔知做咩事在美好的假期、美好的食物面前吵架起來……希望他們而家已經和好了吧～侍應在送TEA SET架給他們時不小心有些汁液灑到皮鞋上，而他竟然就在我們面前很隨意地拿張紙巾就抹鞋……之後他有打算洗手嗎～？希望有吧…不然就……這家走高級風格路線的店，希望衛生上能追上價格定位。