影片
更多
2019-09-11
3687 瀏覽
呢間屹立喺中環蘭桂坊嘅高質素餐廳真係令我大開眼界！一入到嚟我覺得呢度嘅環境好昏暗好有格調，而且擺放左啲好浪漫嘅飾物，我最鍾意大大隻嘅啤啤熊，仲有啲玫瑰花。知道店主應該係一個幾鍾意音樂嘅人，所以喺西餐廳裏面亦都設有live Band show，每逢星期五嘅時候都可以欣賞得到，一啲明星亦都會來玩架，好似C AllStar咁。我叫左個Appetiser前菜Baked Bone Morrow！呢個前菜真係夠晒特別，從來未試過食一啲咁特別嘅嘢！佢係有一條骨頭連埋一啲碎咗嘅肉炒香，擺喺骨頭嘅旁邊，油香四溢！配上脆卜卜一啲烘過嘅麵包，最鍾意食呢啲咁邪惡嘅嘢食！yummyyummy主菜我落咗兩個餸TileFish同Braised French Baby Milk Fed Lamb Belly，姐係一條魚同埋羊，條魚我估都估唔到原來係酸菜魚！佢個湯由一啲酸菜嘅汁造成，而且將成條倉魚拎去煎，煎到啲魚鱗起晒格，好似蜂巢咁，未試過見過魚可以去到呢一個狀態。。。個魚仲好熱辣辣，而且脆卜卜，加埋酸辣汁食果然係一番享受。另外用慢火炆林嘅羊肉真係幾正㗎，佢有啲紅蘿蔔同埋薯仔做料，有啲似飲緊蕃茄薯仔羊肉湯，啲薯仔浸淫左
知道店主應該係一個幾鍾意音樂嘅人，所以喺西餐廳裏面亦都設有live Band show，每逢星期五嘅時候都可以欣賞得到，一啲明星亦都會來玩架，好似C AllStar咁。
我叫左個Appetiser前菜Baked Bone Morrow！呢個前菜真係夠晒特別，從來未試過食一啲咁特別嘅嘢！佢係有一條骨頭連埋一啲碎咗嘅肉炒香，擺喺骨頭嘅旁邊，油香四溢！配上脆卜卜一啲烘過嘅麵包，最鍾意食呢啲咁邪惡嘅嘢食！yummyyummy
主菜我落咗兩個餸TileFish同Braised French Baby Milk Fed Lamb Belly，姐係一條魚同埋羊，條魚我估都估唔到原來係酸菜魚！佢個湯由一啲酸菜嘅汁造成，而且將成條倉魚拎去煎，煎到啲魚鱗起晒格，好似蜂巢咁，未試過見過魚可以去到呢一個狀態。。。個魚仲好熱辣辣，而且脆卜卜，加埋酸辣汁食果然係一番享受。另外用慢火炆林嘅羊肉真係幾正㗎，佢有啲紅蘿蔔同埋薯仔做料，有啲似飲緊蕃茄薯仔羊肉湯，啲薯仔浸淫左羊味，冇諗過薯仔係可以做到咁出色。
嘢飲方面我叫咗幸福摩天輪同埋夜幕天星，
而最後甜品就佢哋今日嘅推介Poached Korean Pear 同Spark Tiramisu。兩者都好特別，而且兩款都係熱門嘅甜品，尤其是提拉米蘇，係好多女仔嘅至愛，加埋爆炸糖口感，更加特別，爆炸糖喺口裏面卜卜聲嘅叫聲，仲有薈梨，爽脆香甜，呢餐真令人回味無窮。
張貼
