影片
更多
2023-01-28
36 瀏覽
行完海之戀見到呢間日式居酒屋就去試下～沙律就試咗佢地嘅蕃茄蒜子沙律蕃茄已經處理過，經醋漬後爽口鮮甜。開胃菜另外仲叫咗另一款瑩光魷魚，餐廳擺盤好有心，放成扇形🤣清酒煮蜆，師傅一放上台已經覺得好可愛，完全無想象過清酒煮蜆都可以當禮包咁上菜，一打開絲帶陣陣酒香已經不停四散，配埋蜆肉鮮甜味美，非常滿足～終於到咗最期待嘅燒龍蝦🦞，店員好貼心另外再比咗兩份餐具我哋，龍蝦蝦膏好多，夠新鮮，蝦肉切成小塊混以蝦膏鮮味十足，激讚小食方面叫咗海膽熔岩魚餅，入面有爆醬海膽醬非常濃厚。另外唐揚魷魚鬚，炸得熱辣辣送酒一流豆芽韭菜花炒砂肝筋，差唔多台台都叫咗一碟，可見呢款深得食客歡迎，豆芽好香口香蔥御好燒，非常可愛盒入面原來放咗酸薑絲同埋紫菜碎，比客人隨意加入御好燒中。甜品叫咗朱古力夾餅雪糕同白桃雪葩，朱古力夾餅好有誠意～非常濃厚白桃雪葩酸酸甜甜，桃味十足，岩岩食完鐵板燒甜甜酸酸解哂飽膩感居酒屋飲品都幾有創意，試咗杯17碎半同埋2黃1猴，全杯都偏橘果類味重，唔錯～
行完海之戀見到呢間日式居酒屋就去試下～
沙律就試咗佢地嘅蕃茄蒜子沙律蕃茄已經處理過，經醋漬後爽口鮮甜。開胃菜另外仲叫咗另一款瑩光魷魚，餐廳擺盤好有心，放成扇形🤣
清酒煮蜆，師傅一放上台已經覺得好可愛，完全無想象過清酒煮蜆都可以當禮包咁上菜，一打開絲帶陣陣酒香已經不停四散，配埋蜆肉鮮甜味美，非常滿足～
終於到咗最期待嘅燒龍蝦🦞，店員好貼心另外再比咗兩份餐具我哋，龍蝦蝦膏好多，夠新鮮，蝦肉切成小塊混以蝦膏鮮味十足，激讚
小食方面叫咗海膽熔岩魚餅，入面有爆醬海膽醬非常濃厚。另外唐揚魷魚鬚，炸得熱辣辣送酒一流
豆芽韭菜花炒砂肝筋，差唔多台台都叫咗一碟，可見呢款深得食客歡迎，豆芽好香口
香蔥御好燒，非常可愛盒入面原來放咗酸薑絲同埋紫菜碎，比客人隨意加入御好燒中。
甜品叫咗朱古力夾餅雪糕同白桃雪葩，朱古力夾餅好有誠意～非常濃厚
白桃雪葩酸酸甜甜，桃味十足，岩岩食完鐵板燒甜甜酸酸解哂飽膩感
居酒屋飲品都幾有創意，試咗杯17碎半同埋2黃1猴，全杯都偏橘果類味重，唔錯～
張貼
