南駅

營業中

休息中

回港探親，偶然行過南駅，見到個海南雞飯廣告牌，好吸引，我一向都係海南雞飯嘅 fans, 所以就即刻入去試吓，同埋屋企人去，冇理由叫哂兩個海南雞飯，於是就叫左一個鰻魚糯米飯。海南雞飯相信係主打菜式，所以佢哋嘅擺盤好用心，玻璃盤好靚，一睇就已經開胃，食落就真係無失望，無骨，好滑，湯用個壺仔上枱，好特色，玻璃盤有位放筷子，好有心思，價錢比外面餐廳貴少少，但係值！講到鰻魚糯米飯就真係好失望，啲魚好明顯喺外面超級市場買番嚟，啲糯米飯又硬，又乾，覺得中伏！下次有機會再去，都係食海南雞飯就夠囉！