Puppuccino (已結業)

今日去將軍澳探朋友，跟住再一齊出嚟海旁附近食嘢，行吓行吓發現開咗一間新嘅餐廳，裝修都幾靚，而且位置望落去都坐得好闊落同舒服。所以我哋決定試一試呢一間，餐廳有分戶外同埋室內，由於當晚天氣比較凍，所以我哋決定坐室內，如果唔係天氣唔許可，一定會揀戶外，感覺會更加chill！我哋入到餐廳已經見到有幾台客人， 有一半嘅客人都有帶狗仔，而且餐廳職員都會同啲狗仔玩，可以睇得出大家都好愛錫動物，呢間真係一間Pet Friendly嘅餐廳！食物方面，呢間餐廳主打一啲fushion 菜，例如韓式泡菜煙肉炒腸粉、慢煮三杯雞意大利煲仔飯等等，呢啲都係一啲中西合璧嘅菜式，聽落去都覺得好得意，但唔知食落好唔好味。所以我哋決定叫咗個韓式泡菜煙肉炒腸粉嚟試吓，仲有墨西哥粟米脆片配牛油果醬同埋珍寶龍蝦尾配三文魚子明太子意粉。韓式泡菜煙肉炒腸粉將平時會見到嘅韓式年糕改成腸粉，味道都好夾，腸粉仲可以吸到啲醬汁，比起年糕更惹味👍🏻 珍寶龍蝦尾配三文魚子明太子意粉絕對值得推薦，龍蝦肉好彈牙，而且三文魚籽同埋明太子醬都好充足，每一啖都可以食到三文魚籽同明太子嘅味道🤩