埠 (已結業)

住港島咁耐都係第一次食鯉景灣d餐廳，雖然價錢唔平，但性價比好高，所以都幾值得黎！首先餐廳正正豈西灣河碼頭隔離，海景對到正😍二黎野食方面令我地非常滿意！menu主要係燒物為主，我地嗌左幾款燒物，再加兩款主菜。唔似一般日式燒烤咁，呢度野食唔洗食客自己燒，唔會攪到成頭成身油煙味，而且每枱仲有個石爐仔將d燒物保溫👍🏻店員服務亦十分周到同有禮👍🏻👇🏻秋葵，係我嘅至愛呀！👇🏻黑松露枝豆，呢個fusion配搭真係第一次食，估唔到又好夾味！👇🏻雞翼(手羽)、牛舌、和牛，三串肉都好香濃，肉質唔會乾真真硬掘掘👇🏻蟹肉飯團，好特別呀呢個主菜，有兩舊脆脆飯團再配上蟹汁同生蛋，好開胃嘅一款菜式👇🏻蟹肉烏冬，扁烏冬非常滑，唔好睇個煲細細，其實入面烏冬份量都幾多架，蟹肉亦都好足料