韓國屋 (已結業)

呢間店成日都經過只係無心去留意餐牌，皆因佢正位於food court 入面，門外人流好多但幫襯比較少，某日留意到佢個牌，終於想試下佢。今日3個人1830入座，我地係第3台客呢晚唔多人坐得好鬆動，地面同用具都乾淨唔油。坐底左先黎每人有一隻大蝦，一隻大八爪魚跟住去夾野食喇，牛肉得一款其他大部份都係豬肉但都有雞肉，仲有生菜同有白飯仲有蒜片同泡菜同丸。雖然得一款牛肉，但味道唔錯，唔會得肥肉。泡菜唔酸，生菜一次唔會放太多出黎，食落都好爽口唔，算新鮮。啲職員唔多人3個左右，要睇哂成個場，但唔算忙，有禮貌，添野食都快。水吧都係任飲，出乎意料之意外出黎既汽水唔錯喎，因為有時有啲汽水機出啲汽水係無味，又無氣。最後仲食左甜品，有雀巢雪糕杯4-5隻味選擇仲有2隻味嘅蛋糕仔（朱古力，綠茶味）2隻味都幾好，特別鐘意朱古力味。埋單3個人都係$324全日無加一個人黎講真係覺得抵食一心諗住晚市都係$108要求唔可以多但食物出乎意料之外質素唔差，好快返到本亦都唔使黎食野仲要受氣。