JOMO Kitchen & Health Hub (已搬遷) 新店位置

一直都好想試下呢間cafe，但係成日都排長龍。咁啱今日放假，就早啲過去嘆個brunch。個環境真係好chill，地鋪但係唔怕隔離又車又人又逼，可惜而加疫情唔想坐露天位食飯，如果唔係就可以吹住海風嘆杯咖啡。威士忌木桶煙燻鮭魚忌廉芝士酸種麵包煙三文魚配Cream Cheese呢個配搭一啲都唔陌生。煙三文魚既煙燻味好香，唔係得個咸字，因為佢係碎上，加上本身啲魚比較油潤，入口好creamy。麵包烘得啱啱好，唔怕塊包越食越韌，但係又唔會太硬。睇落好似唔係好大份，食完發現好飽，brunch黎計份量足夠。Latte食完正餐之後飲就覺得唔太特別。好飲既，只係唔特別。呢個價位，如果唔係半自助就更好。