影片
更多
2023-03-21
51 瀏覽
🇫🇷海濱浪漫小法國🇫🇷-呢排番工每日都好chur 所以放咗工都好鐘意行下海旁 可以望下個海放鬆吓😌 所以久而久之 就發掘到好多新海旁嘅新餐廳 就好似呢間可以望到海嘅法國菜🇫🇷-🐮招牌生牛肉他他 $138他他好滑嫩 肉質有彈性之餘唔會好韌 調味用咗少少芥末 不過唔會太攻鼻或者嗆 反而好開胃 好適合一啖接一啖😋-🐮美國特選級天然黑白牛肉眼扒 $468/16oz肉眼扒㨂得好靚 有肉味之餘油脂都幾平均 塊扒嘅表面煎到少少燒脆加上牛油嘅味 好香口😍 而且肉質好易切 16安士兩個人食啱啱好😝 餐廳有得比我地㨂三款醬同唔同嘅芥末 我哋就最鍾意配法國芥末 有啲一粒粒 幾有層次😙-🦞芝士釀焗波士頓龍蝦 $398龍蝦佢都有兩個整法 一個係芝士釀焗 一個係檸檬香草水煮 所以我地㨂咗芝士🧀 龍蝦好生鮮肉質爽口帶少少海鮮嘅甜味 加上芝士同釀咗嘅煙肉同磨菇 好惹味🥰-🍟薯條佢嘅薯條可以無限咁添 啱晒想飲兩杯嘅朋友仔 佢係行偏幼身嘅路線 所以好脆口-🫖洛神花冰茶 $38酸酸甜甜咁 好開胃 啱晒食咗咁多煎炸野😙-🍵蝶豆花冰茶 $38都係有少少酸酸甜甜 仲有嘅桃肉 打卡一流😋-📍#LeMarché Steak & Fr
-
呢排番工每日都好chur 所以放咗工都好鐘意行下海旁 可以望下個海放鬆吓😌 所以久而久之 就發掘到好多新海旁嘅新餐廳 就好似呢間可以望到海嘅法國菜🇫🇷
-
🐮招牌生牛肉他他 $138
他他好滑嫩 肉質有彈性之餘唔會好韌 調味用咗少少芥末 不過唔會太攻鼻或者嗆 反而好開胃 好適合一啖接一啖😋
-
🐮美國特選級天然黑白牛肉眼扒 $468/16oz
肉眼扒㨂得好靚 有肉味之餘油脂都幾平均 塊扒嘅表面煎到少少燒脆加上牛油嘅味 好香口😍 而且肉質好易切 16安士兩個人食啱啱好😝 餐廳有得比我地㨂三款醬同唔同嘅芥末 我哋就最鍾意配法國芥末 有啲一粒粒 幾有層次😙
-
🦞芝士釀焗波士頓龍蝦 $398
龍蝦佢都有兩個整法 一個係芝士釀焗 一個係檸檬香草水煮 所以我地㨂咗芝士🧀 龍蝦好生鮮肉質爽口帶少少海鮮嘅甜味 加上芝士同釀咗嘅煙肉同磨菇 好惹味🥰
-
🍟薯條
佢嘅薯條可以無限咁添 啱晒想飲兩杯嘅朋友仔 佢係行偏幼身嘅路線 所以好脆口
-
🫖洛神花冰茶 $38
酸酸甜甜咁 好開胃 啱晒食咗咁多煎炸野😙
-
🍵蝶豆花冰茶 $38
都係有少少酸酸甜甜 仲有嘅桃肉 打卡一流😋
-
📍#LeMarché Steak & Frites
將軍澳唐俊街21號翩匯坊地下G25號舖
張貼
