樸一拉麵

營業中

休息中

聽過朋友介紹過撲一拉麵好多次，藏身係女人街入面，黎親都要排隊，見今日唔係好熱，終於排隊試一次。排隊時會比定MENU你睇，揀好入去就有得食。湯底﹑叉燒﹑麵既種類﹑麵既軟硬度﹑都有得揀。舖頭唔大，冷氣唔係好夠，算係比室外涼少少。根據朋友推介嗌左碗「海老拉麵」，揀左黃麵，同厚叉燒。個湯底好濃好鮮甜，一上枱已聞到蝦香味，海老拉麵面頭有啲櫻花蝦提昇濃蝦味。厚叉燒都好正，燒到有啲焦係面，咬落啖啖肉好Juicy。下次一定會再黎，試下其他拉麵同小食。