Turtle by the Sea

營業中

休息中

西貢本身就係一個令人心曠神怡嘅地方，除咗有無敵海景之外、呢度嘅西式餐廳都非常之有風格！今次520大家可以同最愛嘅家人一齊共進午餐！除咗望吓海景，紓緩吓relax吓之外，呢度嘅嘢食都非常之獨特！出面未必有得食到！再加上呢度有好多唔同嘅飲品同埋Shake smooth！全部都都係水果味好獨特㗎！屋企人揀咗一杯，火龍果嘅特飲、入面配上咗奶酪同埋火龍果混合於一身味道清香清甜！我就揀咗一杯芒果同牛油果嘅特飲、佢哋呢度嘅特飲出名比較健康同埋少人造加工色素！都係用天然水果混合唔同原本嘅顏色！之後我哋就食咗個前菜，柚子橙吞拿魚雜菜沙律、味道比較清淡，如果你鍾意食冇咁鹹或者冇咁甜嘅沙律呢一個絕對值得你去食！除咗好足料之外，佢仲加咗蕎麥食落去更加健康！之後就食一個蕃茄海鮮意大利粉！入面嘅海鮮我覺得好齊除咗有帶子之外，仲有好大隻嘅大蝦、意粉醬汁索晒入去麵條入面非常之香濃！之後當然就係要食佢比較出面冇得食嘅西班牙班戟！呢個班戟係用雞蛋同埋薯仔同埋洋蔥做配合！除咗出面少有得食之外，好多嘢佢都用原材料整都係比較健康！再配上特製醬汁，令成個班戟嘅層次更加突出！turle cafe 西貢海濱道1號