大欖串燒 (已結業)

呢間係大欖涌嘅「大欖燒烤」終於係銅鑼灣開左分店！一於同fd子過黎試下😛呢間餐廳可以包場同預約舉辦party, 啱曬一大班朋友出黎gathering!😊🔻佢嘅海鮮套餐有3個價錢，揀左中間價嘅套餐B- 高級活海鮮套餐 $308😛 呢個套餐嘅海鮮有蟶子、鮑魚、扇貝、蠔、蝦同沙白，再加串燒燒烤放題😚佢啲海鮮係餐廳入面嘅魚缸飼養，全部都好新鮮好大隻😍特別係沙白同蝦好厚肉好鮮甜！🔻所有嘅串燒都可以係出面自己拎，款式超過50款❣️有各款雞翼、雞肉串、一口牛、羊孜然羊肉串等，仲有唔同嘅丸，例如花枝丸、漿爆芝心丸、雞肉腸等；仲有蔬菜例如冬菇、秋葵、尖椒等，真係應有盡有🤭而且客人可以自己調味，包括有蒜蓉牛油蜜糖、泰式青醬同孜然辣粉，每隻醬都有唔同風味😌🔻仲有多款炸物，推薦大家食一口西多士，超正😆！仲有甜品同水果，飲品都有好多款式，真係想食乜飲乜都有🤗好抵食！