One More Hotpot 來一鍋 (已結業)

今晚同朋友兩個人黎呢到打邊爐。我地約左六點半，未算多人。餐廳裝修闊落，空間夠大。餐單上寫哂套餐既湯底同配菜。我地叫左海鮮火鍋套餐，湯底要花膠螺頭雞湯。因為我地有兩個人，可以送一份靚肉😍我地揀左西班牙黑豚肉。除左餐單上既食物，出面仲有自助吧，可以隨便拎野飲野食，當然唔少得調埋個醬汁👍🏻過左一陣店員就開始上火鍋同配菜。個火鍋好特別😂入面有幾個窿，一滾d湯就會係個窿走番出黎，重點係個鍋一d都燙手，但熱力好夠，d湯好快就滾。海鮮拼盤，有龍蝦🦞另外仲有大蝦、蠔同象拔蚌等，好正😍龍蝦啖啖肉，蠔都好大隻！另外仲有炸魚皮、響鈴同好多手工餃同丸，全部都好好食。最特別係釀青瓜同油炸鬼😂食完呢個套餐其實已經好飽，但唔夠既話又可以出去再拎，好抵！