蒸蒸日上

營業中

休息中

阿女同我補祝母親節，請我去佐敦食蒸海鮮私房菜，店名叫蒸蒸日上，店舖寫咗係招呼會員，但只要在樓下按2A，開閘入去之後，簡單登記一下就可以上樓入座，店內環境好有家庭式氣氛，乾淨衛生，座位寬敞。主打海鮮套餐，有多款選擇，價錢豐儉由人，但係要早一日預訂，因為老闆係親自去街市買當時最靚最新鮮嘅海鮮，還有如果客人餐單有唔喜歡食嘢食物，又或者當日食物唔新鮮，老闆會盡量安排另一款食物補上。所有食物都由專人為客人蒸煮，蒸海鮮時間都計得好準確，而且招呼週到。海蝦、大連鮑魚、花甲、花螺、北寄貝鮮甜、爽口彈牙。龍躉魚厚肉，我最愛係龍躉皮，骨膠原豐富。花蟹鮮味十足，黑松露墨魚丸彈牙又有黑松露的香味。黑毛豬，豬肉帶獨特榛子芳香，脂肪滲透肉內，豬肉清晰呈現大理石紋般的油花，味清不燥。雞和野菌，雞肉嫩滑，野菌清香爽口。蔬菜盤，蒸蔬菜原汁原味，食到蔬菜的鮮甜味。蒸鍋粥，蒸海鮮的精華全部流晒入鍋的粥內，粥底內亦有豬骨熬製，所以粥底非常鮮甜美味。脆皮地瓜丸，外層脆口，內裡軟糯。