影片
更多
2023-05-21
104 瀏覽
今時今日D錢真係唔多見洗，閒閒地食餐飯都起碼人均三四百仲要唔飽🥲不過今次呢間火鍋店就絕對無呢個問題😌三百左右價位就可以無限時火鍋任食，仲要有海鮮&牛拼盤，性價比爆燈💡.🔥火鍋四部曲💰$318/位（另加一）自選頭盤、湯底、皇牌火鍋拼盤、精選火鍋配料.🔥前菜一坐低即刻上四碟前菜，有炸雞軟骨、涼拌青瓜、涼拌木耳及中華沙律💕.🔥自選頭盤芝士龍蝦、芝士焗蠔、雞煲、酸菜魚四選一🌟揀咗雞煲中辣🌶️一開蓋麻香四散已經流哂口水🤤雞肉勁嫩滑且Juicy，仲要皮薄多肉，唔會油淋淋😋紫洋蔥好香甜😛.🔥湯底有多款湯底選擇，部份仲可以唔洗加錢揀鴛鴦鍋🤟🏻揀咗四川麻辣鴨血鍋及蕃茄薯仔濃湯鍋，前者麻辣香十足好惹味，後者酸酸甜甜好開胃😙.🔥皇牌火鍋拼盤（海鮮+牛+蔬菜）一上檯人人立即拎手機出嚟打卡，呢種拼盤平時都係食散叫中高檔火鍋先會有，估唔到任食火鍋都見到。.🔥時令海鮮拼盤內有海蝦、蟶子皇、鮑魚、龍躉片、廣島蠔、大蜆、蟹棒、手打墨魚丸及蝦丸✨份量超豐富，就咁食已經飽飽地🤣海鮮全部都好乾淨新鮮，特別鍾意蟶子皇及鮑魚，彈牙鮮甜😍.🔥美國安格斯牛肉拚盤內有手切牛小排、牛肩胛、封門柳、牛板腱✨賣相好靚仔，肉味相當濃郁😋而且店家
.
🔥火鍋四部曲
💰$318/位（另加一）
自選頭盤、湯底、皇牌火鍋拼盤、精選火鍋配料
.
🔥前菜
一坐低即刻上四碟前菜，有炸雞軟骨、涼拌青瓜、涼拌木耳及中華沙律💕
.
🔥自選頭盤
芝士龍蝦、芝士焗蠔、雞煲、酸菜魚四選一🌟揀咗雞煲中辣🌶️一開蓋麻香四散已經流哂口水🤤雞肉勁嫩滑且Juicy，仲要皮薄多肉，唔會油淋淋😋紫洋蔥好香甜😛
.
🔥湯底
有多款湯底選擇，部份仲可以唔洗加錢揀鴛鴦鍋🤟🏻揀咗四川麻辣鴨血鍋及蕃茄薯仔濃湯鍋，前者麻辣香十足好惹味，後者酸酸甜甜好開胃😙
.
🔥皇牌火鍋拼盤（海鮮+牛+蔬菜）
一上檯人人立即拎手機出嚟打卡，呢種拼盤平時都係食散叫中高檔火鍋先會有，估唔到任食火鍋都見到。
.
🔥時令海鮮拼盤
內有海蝦、蟶子皇、鮑魚、龍躉片、廣島蠔、大蜆、蟹棒、手打墨魚丸及蝦丸✨份量超豐富，就咁食已經飽飽地🤣海鮮全部都好乾淨新鮮，特別鍾意蟶子皇及鮑魚，彈牙鮮甜😍
.
🔥美國安格斯牛肉拚盤
內有手切牛小排、牛肩胛、封門柳、牛板腱✨賣相好靚仔，肉味相當濃郁😋而且店家好細心， 為免烚牛肉時啲血水影響湯底味道，鍋中額外設有烚牛肉專用清湯，突顯牛肉本身肉味👍🏻
.
🔥蔬菜拼盤
內有生菜、娃娃菜、金菇、秀珍菇、南瓜、蕃茄等，基本菜式應有盡有🥬
.
臨尾like餐廳FB/IG仲可以有Movenpick雪糕，不過實在食得太飽食唔落無要到😅無時間限制，可以慢慢唔洗趕頭趕命食😙埋單先三百幾，抵到爆🤪
張貼
