影片
更多
2012-12-10
1213 瀏覽
慶祝男友生日,一早打來訂位.有朋友食過,建議我要訂室內.打電話時通知了,但無得到re-confirm,當時都有d擔心...因為馬頭圍道整路,所以都驚塞車,預早左到.落車行到去,過左號碼都唔見,再搵時,先見到對面街有個燈箱.見箱指住的路就係一早聽聞又黑又濕的路...行過呢條路,著實需要一點勇氣...!我望清楚無小強老鼠,之後先好小心一路行,行到門口,就有人問我有位未,之後就點左我地去一邊坐.當時時間尚早,間舖仲未full.因為得兩個人,唔會食到好多野,所以一早已打算黎主攻海鮮.坐低一陣,就問我地食咩,揀左燒烤同邊爐.無耐就拎左兩個爐出黎.之後就搬埋個沙嗲煲.個沙嗲涉好快就不停滾,但我地仲未嗌野食,一來諗緊,二來個個人都好忙...忙住開檔,未得閒停步...=.="最後叫左鮑魚,芒果大蜆,蟶子,蠔,牛胸肉,四寶丸,水餃,..最先黎的係蟶子同鮑魚,鮑魚好新鮮...!!不停郁,但燒佢的時候,真係覺得自己好殘忍,有罪惡感...燒烤提供了三款配料:蜜糖,甜辣醬同有個唔記得係咩,仲有樽味鹽.我自己就比較prefer清燒/鹽燒,甜辣野就cover哂d野食味lu...蜆好大隻,好食!鮑魚都正.牛胸肉個感覺
因為馬頭圍道整路,所以都驚塞車,預早左到.
落車行到去,過左號碼都唔見,再搵時,先見到對面街有個燈箱.見箱指住的路就係一早聽聞又黑又濕的路...行過呢條路,著實需要一點勇氣...!我望清楚無小強老鼠,之後先好小心一路行,行到門口,就有人問我有位未,之後就點左我地去一邊坐.
當時時間尚早,間舖仲未full.
因為得兩個人,唔會食到好多野,所以一早已打算黎主攻海鮮.坐低一陣,就問我地食咩,揀左燒烤同邊爐.無耐就拎左兩個爐出黎.之後就搬埋個沙嗲煲.
個沙嗲涉好快就不停滾,但我地仲未嗌野食,一來諗緊,二來個個人都好忙...忙住開檔,未得閒停步...=.="
最後叫左鮑魚,芒果大蜆,蟶子,蠔,牛胸肉,四寶丸,水餃,..最先黎的係蟶子同鮑魚,鮑魚好新鮮...!!不停郁,但燒佢的時候,真係覺得自己好殘忍,有罪惡感...
燒烤提供了三款配料:蜜糖,甜辣醬同有個唔記得係咩,仲有樽味鹽.我自己就比較prefer清燒/鹽燒,甜辣野就cover哂d野食味lu...
蜆好大隻,好食!鮑魚都正.
牛胸肉個感覺好得意,值得一試.之後追加左個菜同鮑魚.
埋單,佢係0係你面前逐張單計,但其實真係好難check岩唔岩數...total $636,我就覺得少少貴,但又真係食左d生猛海鮮,所以就兩睇啦.
都算特別,值得一試的.
題外話/補充資料：
呢度staff的style係"快",落order要快,叫人要快,有咩需要快講,捉唔捉得住佢地講出你的需求都睇黎夠唔夠"快".
試過叫野食,諗多一秒佢就行開了,之後0係佢背後嗌,以為佢聽唔到,但又轉頭就送到...呢d好有style的服務,有時都真係唔知講咩好...
P.S. 走時8點幾,全部full,出面都企滿人...勁...
(以上食評乃用戶個人意見 , 並不代表OpenRice之觀點。)
張貼
