六福菜館

營業中

休息中

一個天清氣朗的星期一，想食海鮮，友人推介六福菜館，大家柴娃娃的就走進這寧靜的海鮮菜館。友人已多次惠顧此店，所以由佢發板，每碟都精彩。麻油日本芥辣雲耳、魚蓉羹、椒鹽豆腐、豉椒炒聖子、椒鹽鮑魚、椒鹽賴尿蝦、苦瓜炒蛋白、欖菜骨，酥炸桶蠔、每款都叫人回味無窮。個人重點捱介魚蓉羹：淡淡的南瓜湯底，好滑，混入魚片，鮮甜，就算本來唔係好想南瓜嘅我，都覺得好好味。椒鹽豆腐：外面個脆漿做得勁好食，野味吸引。椒鹽鮑魚：我係第一次用呢個方法食鮑魚，味道出人意表，椒鹽非常之香，鮑魚煮得恰到好處，鮮甜嫰滑，一點都不韌。酥炸筒號：大大隻，火候啱啱好，外脆內軟，夠蠔味，超好食。