潮福蒸氣石鍋 (已結業)

到年尾，又係食團年飯新年飯無數既飯局。今晚黎潮福試下呢個蒸氣海鮮鍋。晚餐海鮮set 每位388, 野飲任飲， 前菜個酸雲耳有麻香，夠晒醒胃。調味料亦多選擇。首先每人上隻乳鴿，唔太大唔太細隻岩岩好，唔會嚡好正，皮薄夠晒香。亦有湯揀，今日飲海螺湯，飲得出唔多味精，不過梗係唔夠屋企老火湯足料。與此同時又黎半邊龍蝦，果然新鮮既料就咁蒸都夠晒鮮甜。再黎一個貝殼盛，花甲蜆仔大中細都有除此之外有四款自選海鮮，今晚揀左元具、象拔蚌、鮑魚同埋魚。本身以為蒸野都係無咩味要點多d 配料，點知每樣野都食到原本既味道，就算唔點鼓油都唔會好寡。其實食到呢到咁上下飽，但仲有任叫任點既牛、點心、丸同蔬菜等，我就食唔落啦。最後佢既精華 亦都係個碗粥，真係好鮮甜軟滑濃味，有晒岩岩咁多種海鮮既味道，飽都忍唔住食晒成碗！ 惟衛生方面可以改善。