豆乳狂人 (已搬遷) 新店位置

大熱天時熱到無胃口，想食返點冰涼的甜品，去了豆乳狂人買了幾碗甜品同屋企人分享。食返個椰奶多芒楊枝甘露，即時降火，楊枝甘露酸酸甜甜，芒果香味，椰奶香甜，十分開胃。堅果芋泥豆乳豆花超級足料，每啖都有很多有咬口的果仁，健康又飽肚，豆花爽滑，加上我至愛的香甜芋泥，很有台式風味。三色芋圓加了昆布綠豆、涼粉、仙草，全部都是夏天必食的甜品，綠豆涼粉清熱，食完成個人都去暑氣，芋圓煙韌有咬口。豆味芝士奶蓋豆乳茶，豆味超濃郁，，還有淡淡芝士味。最後加了件超大件的粢飯，即叫即做，裏面有榨菜肉鬆及香脆的油條，返到屋企還暖笠笠。