芙蓉同源 (已結業)

天氣咁熱，真係要買杯消暑嘅飲品飲吓！芙蓉同源喺一間有啲特色嘅茶飲店，佢有唔少飲品都有養生嘅功效，有啲飲品仲有啲好特別好得意嘅名。頭先買咗一杯「 舉頭望明月 」！ 呢杯飲品入面係有芒果雪糕、柚子果肉、橙果肉、少少奶。味道有啲似楊枝甘露，酸酸甜甜，好清新開胃，飲落都好有口感，好多果肉咬下咬下另外一杯叫咗紫米四季奶茶，飲落有啲似紫米露，幾香，又唔會好甜；個奶茶底都幾香，有茶味但係唔會苦澀！呢杯飲品都幾足料，飲完都有啲飽嘅感覺！下次想試吓芋香或者燒仙草嘅飲品，搵吓台灣嘅味道