欣圖軒 (已結業)

多年沒有來過，每次放假，想起佢都訂滿，今次預早5天前預訂，得咗！經過長長隧道，九曲十三灣，好似尋找桃花源，終於來到一片天。枱上玉石板，筷子托，湯匙，白色枱布，黄色菊花配綠色球狀植物，再配合玉石屏風等等，併構出淡雅之美，我要為佢加點色彩，先來6樣調味料，以便配色。先畫石頭，來一碟琥珀合桃，無嘉麟樓咁鬆脆及甜，但有實在感，ok。用香芋火鴨雪山包畫個山，皮香脆，内有鴨香溶岩，芋頭多些更好芹菜葱花鳕魚盞畫船，蛋達稣皮船身，載着白色鱈魚做帆，鱈魚好鮮味，但太细，好香芹菜味伴馬蹄，爽口畫花，四朶花~蟹黃蒸燒賣，花蕊蟹黃一點實，餡料足及彈牙新鮮。畫魚，星班海鮮金魚餃，賣相生動，餃子飽滿星班與蝦肉好鮮味梨香海參咸水角，以梨子造型，從香軟糯米皮滲出梨香，雖然有蝦米但海參淡味。山水畫怎沒有水呢！清香普利茶香更加添味好美，好滿足還有隔離枱滲出仙氣，仙氣佈滿整張枱，待仙氣散發後，原來是一盤壽桃包，實在太吸引。