糖兄弟甜品屋 (已搬遷) 新店位置

適逢中秋，當然要出嚟行吓！行到咁上下特別想食碗糖水，呢間糖兄弟一入夜特別多人食，大家都係坐晒喺鋪頭外面一邊賞月一邊食糖水，好有氣氛！鋪頭細細，但係選擇非常多，有熱有凍，任君選擇，不過主打冰凍糖水居多，至於價錢尚算適中。我叫左碗薑汁芝麻湯圓，老公就叫咗碗凍芒果西米露。老公碗芒西都唔錯，芒果份量都多，而且好夠甜，西米露亦煙韌爽口，非常有口感。至於我碗薑汁芝麻湯丸亦都唔錯，湯丸皮薄、芝麻夠香，不過略嫌個薑汁太過薑，攪到我飲左二啖已經飲唔落。