深宵食堂 (已結業)

今日又約左個朋友出去揾食喇，今晚我地又去左深宵食堂，不過尖沙咀呢間就第一次嚟，聽講呢間店比鋼鑼灣嗰間多左燒烤，咁即系選擇更多，環境同銅鑼灣果間差唔多，都算幾好，坐低就即刻點菜，上菜速度都算快，服務態度幾好。蒜蓉大虎蝦好大只，蝦身有成只碟甘長，蝦大自然就肉多，肉好實正爽口，鋪上蒜蓉烤，咁做法比蒜蓉蒸蝦口感要好，感覺香口好多，烤過后蝦水分收縮左，更能突出蝦嘅鮮味，整得幾好。都系烤烤系列，烤元貝同烤牛脷芯，元貝好大只，肉好厚，烤完后再淋上秘制醬汁，味道好好，肉厚口感都唔錯，烤牛脷芯我頭次嘗試，原嚟牛脷芯用嚟烤都咁好味，應該系烤得好，再加上味道調得好。呢个飯令我覺得幾驚喜，鵝肝同雜菌原嚟咁夾，鵝肝份量都唔少，黑松露系上等貨，雜菌都有幾種，材料放系飯上面焗，飯都吸收曬材料嘅鮮味，粒粒飯都好香，我將成個飯食曬。薄餅我揀左沙律醬呢個味，薄餅好薄又脆，再同埋咁多沙律醬一齊食，好好食，作為餐前小食唔錯。