古早牛肉麵 (已結業)

深水埗一直多嘢食，台式嘅餐廳都已經有幾間，呢間算係裝修幾好，而且長期都幾多人嘅，今次就試吓啦。一開頭都要等位，因為入邊嘅地方唔算太大，而且好多人食，受歡迎程度都算幾高。我叫左一個紅燒牛肉麵，朋友叫咗一個肉操飯，價錢都算偏貴都要成六十幾蚊。味道方便我就覺得還可以，唔算話好好食，但係分量都真係幾大，紅燒牛肉麵上面嘅牛肉成個拳頭咁大。分量太大嘅關係最後我都食唔晒。佢最大嘅好處就係有得飲台式飲品，可以一邊飲住珍珠奶茶一邊食紅燒牛肉麵，係最大嘅享受。