Oliva (已結業)

深水埗又一臥虎藏龍!這間特式意大利餐廳，午飯時候都擠滿了食客，有名女校學生妹，office儷人及白領。梗係啦，午餐包個主菜，還附送湯，麵包及飲品，都只不過是三四十元，免加一，凍飲亦不用加錢，真係抵過大型快餐店。喺深水埗區真係幾罕有㗎!午餐及晚餐menu選擇很多，有豬仔脾、魷魚闊麵、燒春雞、龍利鱼柳、羊膝等。可以配飯或意大利粉或薯菜，份量都唔細。當天下午我就食香煎西冷牛扒配什菌紅酒汁意粉。室內環境及佈置好似又一城間意大利餐廳Amaroni's Little Italy同事多數食豬仔脾。香煎西冷牛扒配什菌紅酒汁意粉 – 賣相OK，意粉煮過龍(加點extra-virgin olive oil會好啲)，牛扒用鬆肉粉腌過，無乜肉味。