公和荳品廠

營業中

休息中

有細食到大嘅一間豆腐店，好多街坊幫襯，價廉物美，無論係釀豆腐，豆卜，定係豆漿，豆腐花，都非常之有豆香。不過，舖頭入邊空間非常之狹窄，疫情之下進食就唔係太方便啦。而且，好容易同隔離位嘅人互相碰撞，所以如果你係拎住大量物品物件，又或者冬天着好厚衫，都會感覺有啲唔方便嘅。落單方面，店員其實都冇乜系統，客人多數都係舉隻舉起手、大聲嗌阿姐阿叔，就會有人行埋黎應你，所以間唔中都會出現漏單嘅情況。到最後埋單，客人都要記得拎返屬於自己嗰張單出去鋪面收銀位俾錢，最好自己計埋自己應該俾幾多錢，咁樣就會比較萬無一失啦。不過，個人覺得都係非常之值得一試嘅，算平民小食來講，性價比非常之高嘅一款。