影片
更多
2023-10-04
361 瀏覽
深水埗北河街尾附近有間新開餐廳, 佢門口同內裡設計都好有心思; 門口有個大大個圓形豬頭嘜, 原來店舖同文記金豬皇有關; 一邊門口有好多星空擺設, 有個大彎月, 超吸睛, 天花板掛左好多星星吊飾, 令我哋被浪漫既氣氛包圍住, 另一邊舖落地玻璃用梵高星空畫, 互相輝映。未入去就已經係門口打卡先啦, 因為環境實在太靚, 另一邊滿天星星, 環境更寧靜, 真係浪漫滿分, 非常優美; 餐牌價錢大眾化, 而家like 社交平台 share美食仲可以送甜品/ 果汁/ 紅 / 白酒一客/ 支裝紅/白酒75折呀! 今日食完, 我覺得佢地嘅甜品真係整得好正呀, 所以下次我一定like定, share定美食, 食佢地嘅免費甜品先.. 哈哈…餐牌有多國菜式選擇, 包括前菜及沙律, 小食, 餐湯, 主菜, 意粉及意大利飯, 甜品, 另外有文記港式燒乳豬, 下次嚟要提早預訂先有得食, 飲品方面有各式咖啡, 雞尾酒, 紅白餐酒。我地叫了一個芝士焗薯蓉, 一客士多啤梨忌廉牛角包窩夫, 一杯iced Mach, 意式海鮮意大利寬麵, (+$48轉套餐) , 沙律及餐湯, (+$56要特飲及甜品)沙律跟餐沙律有驚喜, 多
餐牌有多國菜式選擇, 包括前菜及沙律, 小食, 餐湯, 主菜, 意粉及意大利飯, 甜品, 另外有文記港式燒乳豬, 下次嚟要提早預訂先有得食, 飲品方面有各式咖啡, 雞尾酒, 紅白餐酒。我地叫了一個芝士焗薯蓉, 一客士多啤梨忌廉牛角包窩夫, 一杯iced Mach, 意式海鮮意大利寬麵, (+$48轉套餐) , 沙律及餐湯, (+$56要特飲及甜品)
沙律
跟餐沙律有驚喜, 多款高級沙律菜全部都好新鮮, 好爽口, 配埋沙律醋一流, 份量仲比我想像中多, 夠哂開胃。
餐湯
跟餐是日餐湯係香濃椰菜花忌廉湯, 再配埋新鮮即焗蒜蓉包, 熱辣辣暖胃又飽肚, 個包又夠香同脆, 唔錯!
意式海鮮意大利寬麵 - $118
海鮮包括大蝦, 青口, 魷魚; 海鮮都算新鮮, 大蝦加咗調味煎香, 食落好彈牙爽口; 寬麵好掛汁, 加左蒜蓉, 成個汁份外惹味呀!
芝士焗薯蓉 - $48
要咗個小食, 其實都唔知叫唔叫小食, 份量都幾多同飽肚的; 薯蓉超軟綿綿, 又夠細滑, 薯蓉面加了拉絲芝士再焗, 芝士香噴噴, 又豐富, 好好食呀!
士多啤梨忌廉牛角包窩夫 - $58
我好鐘意花呢個甜品, 個牛角包窩夫外脆內軟, 而且仲熱辣辣, 即叫即整即上; `牛角包窩夫上面有士多啤梨藍莓整成嘅糖漿, 酸酸甜甜, 同窩夫好夾, 旁邊有雪糕, 雖然老闆話攪錯, 原本係士多啤梨雪糕, 但比錯咗雲呢拿, 唔緊要啦, 唔好嘥嗎! 仲比多少少士多啤梨漿我做裝飾添。
朱古力榛子酥餅 – (套餐加$38)
另一個係朱古力榛子酥餅, 用餅碎壓碎再放入模, 餅底夠酥脆, 上面用朱古力榛子打到好滑嘅monsse, 仲要配埋開心果及果仁碎, 雙重口感呀!
巨鋒提子梳打 - (套餐加$18)
同呢度環境顏色好襯嘅紫色, 充滿清甜嘅提子香氣, 好香甜, 好冰凍。
Iced Macha - $38
咖啡同朱古力比例啱啱好, 唔會太甜, 唔錯!
張貼
