容記小菜王 (已易手)

眼見小菜王一次又一次甘令我地傷心，今次決定向容記出發。紅燒豆腐煲–一般啦，唔係話好出色。但豆腐好滑，個汁ok,冇咩特別燒肉–外賣預左會失色咖啦，但係有驚喜，竟然冇分別0咼。個皮仲好脆，有肉汁，半肥瘦，係切得大舊左D囉。豉油皇炒麵–一個字，掂呀！唔油，好香，有鑊氣！魚香茄子煲–冇食，唔知有幾好食。不過呢味送係清得最快個碟，我諗真係好好食囉。價錢貴過小菜王，但係質數同分量都好好多。