影片
更多
2020-09-10
2822 瀏覽
是日嚟到K11，見有間新開韓式餐廳，就同朋友嚟試吓啦。冇訂枱Walk in 㗎咋，好彩都有位。一開始淨係知佢係有少少高級嘅韓式餐廳，都唔知原來佢係一間全素食餐廳，仲要係韓式寺廟素食，夠晒特別！👍🏻我哋分別叫咗兩個course同三個course嘅Set lunch，每樣都試吓，除咗豆腐淨係試左一款餐廳環境整體好舒服，又特別，色調以木色為主，天花板係一個玻璃管造型嘅屋頂，好靚。成個環境令人食飯嘅時候心情都可以靜落嚟。點完餐先來三個前菜，有雜菌養生湯，醃菜飯團同雜菜沙律。雜菌養生湯味道好清淡，同平時飲開嘅雜菌湯好唔同，好飲嘅。飯團我哋真心唔識欣賞，我同朋友都覺得麻麻地。沙律係沙律囉，dressing係大醬汁，菜唔夠新鮮。開始有啲失望嘅時候，驚喜開始嚟喇，先有雜錦菇菌凍批，係用上湯茄雜菌雪成凍批，旁邊配有香草醬，韓式辣醬，同芝麻現象，點唔同嘅醬汁就會有唔同嘅風味，清清地好好食😋跟住呢個照燒杏鮑菇一樣冇令人失望，佢話係用咗唔知幾多年嘅醬油烹煮呢個杏鮑菇，味道啱啱好，醬油啱啱好覆蓋住過杏鮑菇，又唔會搶咗杏鮑菇嘅味道，好味。之後係呢個韓式凍豆腐配自家製泡菜，自家製嘅水泡菜包住韓式凍豆腐，加上黑芝麻同
一開始淨係知佢係有少少高級嘅韓式餐廳，都唔知原來佢係一間全素食餐廳，仲要係韓式寺廟素食，夠晒特別！👍🏻
我哋分別叫咗兩個course同三個course嘅Set lunch，每樣都試吓，除咗豆腐淨係試左一款
餐廳環境整體好舒服，又特別，色調以木色為主，天花板係一個玻璃管造型嘅屋頂，好靚。成個環境令人食飯嘅時候心情都可以靜落嚟。
點完餐先來三個前菜，有雜菌養生湯，醃菜飯團同雜菜沙律。
雜菌養生湯味道好清淡，同平時飲開嘅雜菌湯好唔同，好飲嘅。飯團我哋真心唔識欣賞，我同朋友都覺得麻麻地。沙律係沙律囉，dressing係大醬汁，菜唔夠新鮮。
雜菌養生湯，醃菜飯團，雜菜沙律配大醬汁
110 瀏覽
0 讚好
0 留言
開始有啲失望嘅時候，驚喜開始嚟喇，先有雜錦菇菌凍批，係用上湯茄雜菌雪成凍批，旁邊配有香草醬，韓式辣醬，同芝麻現象，點唔同嘅醬汁就會有唔同嘅風味，清清地好好食😋
雜錦菇菌凍批
121 瀏覽
0 讚好
0 留言
跟住呢個照燒杏鮑菇一樣冇令人失望，佢話係用咗唔知幾多年嘅醬油烹煮呢個杏鮑菇，味道啱啱好，醬油啱啱好覆蓋住過杏鮑菇，又唔會搶咗杏鮑菇嘅味道，好味。
照燒杏鮑菇
116 瀏覽
1 讚好
0 留言
之後係呢個韓式凍豆腐配自家製泡菜，自家製嘅水泡菜包住韓式凍豆腐，加上黑芝麻同芝麻油，味道清清地得來又好食。
韓式凍豆腐配自家製泡菜
109 瀏覽
2 讚好
0 留言
最後兩個主菜，先有韓式炒粉絲，係室溫嘅，正常味道，當有拌飯比較既時候，係普通咗啲嘅。
韓式炒粉絲
97 瀏覽
0 讚好
0 留言
成個set lunch我最鍾意呢個5色蔬菜拌飯！有服務員嘅介紹，先知道碗大醬湯原來係用嚟拌飯用嘅，因為佢都好鹹下，冇可能就咁飲。拌飯面有脆口嘅海帶乾，菠菜，茄子，醃蘿蔔同醃青瓜。飯係黃色嘅，我諗佢有調過味？總之將所有嘢撈埋一齊食，好好食，好有驚喜！
五色蔬菜拌飯
85 瀏覽
0 讚好
0 留言
最後甜品係芋頭片芋頭忌廉小蛋糕配花茶，冇期待過嘅蛋糕竟然好好食，係真好食。花茶清清地都好好飲。佢配上好靚嘅匙羹同叉，靚到上枱嘅時候我嘩咗一聲，不過食起蛋糕上嚟一啲都唔實用😂你哋自己去試吓就知道。
芋頭忌廉蛋糕配花茶
71 瀏覽
0 讚好
0 留言
一間係香港算係獨一無二嘅韓式寺廟素食餐廳，好特別嘅體驗，好值得一試。大部份嘅食物味道都係好清好淡，又一啲都唔油膩嘅素食，有別於平時食開嘅素食餐廳，所以價錢係貴咗一啲，份量又細咗啲啲，但我哋都覺得好值得一試。👍🏻
張貼
