B.Two House (已結業)

餐廳麻雀雖小，五臟俱全，有一種清新既少女風味。我叫左個B餐，係有濃湯同甜品食，餐廳都有提供熱茶。個杯都係特製杯，印左餐廳既logo .餐湯係煙肉忌廉蔬菜湯。濃湯既材料好豐富，除左有煙肉外，仲有好多種蔬菜，蔬菜都切到細細粒粒，方便入口，蔬菜吸收左忌廉湯既味道，加埋煙肉既香味同蔬菜爽口既感覺，整體都幾好食。主角黎啦！係我最愛既煙三文魚配忌廉芝士bagel ，自從係美國食過後就好掛住bagel 啦。Bagel 口感煙韌，軟中帶硬，同係美國食既bagel 一樣，好好食。煙三文魚同忌廉芝士依個經典組合好正，忌廉芝士香滑，帶著柔和既奶味同咸味，煙三文魚就好香好好食。bagel 入面仲有番茄同生菜，中和左忌廉芝士既膩度，增加左清新既感覺。個餐仲有埋甜品食！係朱古力蛋糕，蛋糕甜度剛好，唔會好膩、口感鬆軟，夠濕潤。