Farmer's Cooking (已結業)

決定素食既一日，有時要搵間素菜餐廳都唔易。好在鰂魚涌附近多office，點都會有一班食素既人，所以都點都開左幾間素食既餐廳。今日就由openrice度見到呢間應該係健康環保style又有素食既餐廳。我就揀左豆腐排同用自家醬油既b餐，睇落好似好吸引咁。飯等左一陣就黎左，份量唔算好多。睇落好colorful，賣相唔錯既。豆腐煎過，外脆內軟。但其他送就比較清淡，茄子，木瓜同菜心都真係幾清淡。木耳絲上面有佢既自家醬油，甜甜地咁，味道比想像中簡單左d。黃色果幾粒係鷹咀豆黎，唔係粟米。野飲係自家拎杯斟既羅漢果茶，都係比較清淡，感覺好家常。雖然素食唔可以太用食材黎決定價錢，但呢個餐要70蚊，想食得好清既話就岩多d。