祥仔辣辣 (The LOHAS) (已結業)

係The Lohas 都有酸菜魚食啦。而呢間祥仔辣辣記得喺旺角都非常之出名，平時都要排好耐隊。咁喺呢度就唔使等咁耐啦，基本上都唔使等位咁滯，所以就當然要試一試啦。我哋入去嘅時候係午市，咁就有好多款午市套餐選擇，比起晚市係平好多，而且可以試到佢哋嘅招牌菜。呢個係招牌酸菜魚湯麵，可以見到佢係配搭左酸菜、魚，同埋芽菜既。其實我諗大家睇都睇到佢呢間嘅酸菜魚係比較清淡，絕對唔同其他店咁四川味道，一啲辣味都冇。如果expect食返四川味夠嘅話我就唔建議你黎間啦。但如果你係比較想食清淡又想食比較滑嘅魚就可以試吓。