Tom Bar & Grill (已結業)

一個天氣晴郎的清明節，渣住架boot boot 遊西貢，泊低在咪錶位後見到一間西餐廳，見到環境都幾唔錯，咁就順理成章咁入去食午餐啦。入到去估唔到都幾旺，坐滿了一半。午餐都有好多選擇，有咖哩，羊膝，龍利魚等等，不過最吸引的都是炭燒安格斯牛柳餐，裡面除左有一個洋蔥湯，一客煙三文魚菜沙律外當然還有主菜炭燒安格斯牛柳。洋蔥湯 - 普通一點，不太夠熱。但還能接受。煙三文魚菜沙律 - 個三文魚不會太咸，菜是用一些在超級市場幾十蚊一包個d菜，唔係普通貨色。炭燒安格斯牛柳 - 配了意粉同薯條，份量好夠之餘，六成的肉燒得剛好，好嫩滑也不太肥，可能燒的關係。總括來說也很滿意，望到餐牌還有生蠔等等，等待機會下次會再去試試。